Ko te whāinga o te kēmu kia whaiwhakaaro te tangata ki te takenga mai o te kai Māori. Ka āhei tō tākaro i te kēmu hei whakataetae, hei akoranga rānei.
Ngā tikanga o te kēmu (hei whakataetae)
Whakatakotohia ngā papa taiao, te porohita āwhio, me ngā kai katoa e kitea ai e te katoa.
Mā koutou e kōwhiri ko wai te kaitākaro/tīma tuatahi. Ko tā te kaitākaro/tīma mahi, he koropana i te pine o te porohita āwhio kia tau rā anō te pine ki tētahi taiao.
Whakatakotohia tētahi kai ki taua papa taiao.
Kotahi te kōwhiringa mā ia kaitākaro/tīma. Ki te hē, me whakahoki anō te kai ki waho atu i ngā papa taiao, hei whakamahi mā tētahi atu. Ki te tika te kaitākaro/tīma, kotahi te piro ki a ia.
Ka mutu ana te whakatakoto i ngā kai katoa, tatauhia ngā piro e mōhio ai ko wai te toa.
