Kēmu - Wharewhare

Tērā pea e tauhou ana ētahi o ngā kai taketake ki a tātou. Ko te hiahia kia waia haere ngā karu ki ēnei kai. Nā wai, ka tipu te mōhiotanga ki ēnei kai, ki te taiao e karapoti nei i ēnei kai.

Hei tiki ake

• 12 x kāri mā ngā kaitākaro
• ‍Kāri Kaikaranga

Tirohia te whārangi 6-7 o te o te mahere nei

Kaupapa 1 - Nō hea te kai?

Whāinga

Kia ngahau, kia pārekareka hoki ngā mahi ki te tangata i a ia e ako ana i ngā ingoa me te āhua o ngā kai o Aotearoa. Ka āhei te tākaro te kēmu nei hei rōpū, hei takirua rānei ki te kāri kotahi. 

Whakataki i te ngohe

Tērā pea e tauhou ana ētahi o ngā kai taketake ki a tātou. Ko te hiahia kia waia haere ngā karu ki ēnei kai. Nā wai, ka tipu te mōhiotanga ki ēnei kai, ki te taiao e karapoti nei i ēnei kai.

‍Hei mahi

1. Tohaina ngā kāri wharewhare ki ia kaitākaro
2. Whakaritehia ētahi perepere mā ngā kaitākaro, kia 16 mā ia kaitākaro. He pai hoki te kohi kōhatu iti i waho, te tīhae rānei i te pepa hei ārai i ngā kai kei runga i te kāri.
3. Kōwhiritia tētahi kaikaranga, māna e karanga ngā momo kai.
4. Ko te toa, ko te kaitākaro tuatahi ka oti i a ia ngā kai katoa i tana kāri te uhi!

‍Hei ara atu anō

Mā te kaikaranga e whakamārama te āhua o te kai, e tuku tīhwhiri rānei mō tētahi kai, heoi, kia kaua e whakahua noa i te ingoa. Hei tauira: he kākāriki tēnei kai, he porohita te auaha, nō te māra hoki tēnei kai– he aha rā tēnei kai? 

Me āta whakaaro ngā kaitākaro, ā, ka taka ana te kapa, me whakamōhio atu ‘he hue te kai!’, katahi ka āraingia taua kai e te katoa. Ka pērā tonu kia toa rā anō tētahi.