Mātaiao ki Tamaki 2025 | Wānanga Kawa Whakahau

Maiangi ake ngā mātāpono o Atua Matua me ngā whanaketanga o Tapuwaekura ki te mauri o Mātaiao. Ko tā Mātaiao whai he tūhura i te Mātauranga Māori e makuru ai te hua ora ki te tangata ki te whānuitanga me te hōhonutanga o te oranga tangata ki tā te Māori titiro. Whāia!

I te 15 - 16 o Paengawhāwhā, ka tū tō mātou wānanga tuatahi o te tau. I tīmata te kaupapa ki ngā wai tai o Ōperetu. Ko te mahi ki Ōperetu, ko te pure. Te pure e kawe nei e tātou ka whakamahitia hei kawa whakaū, hei kawa tuitui i te taura here i waenganui i a mātou o Mātaiao ki Tāmaki me ngā tauira, ngā kaiako, tae rawa atu ki ngā kura. Whai muri i te pure, i whakawhiti te kāhui ki te ahi kewa kore o Te Ahiwaru, i reira mātou e whāia ngā āhuatanga o te rangi, o te whenua, o te wai, mā ēnei e ārahi te mahi. Ka tuituia, ka tātaihia ngā momo whakapapa atua, ka whakapapa matua anō ki tā te iwi noho ki tōna taiao. 

Hei te 30 o Pipiri - 1 o Hōngongoi ka tū te wānanga tuarua o te tau. Ki konei mātai atu i ngā mata o te ariki, i ngā tāwheao o te taiao. Waihoki he takahi whenua i ngā roherohenga o Patupaiarehe me ngā whakahaeretanga o te pō. Tēnā, nau mai tomo mai ki te wānanga kawa whakatika!

Me mihi ka tika ki ngā kaikawe me ngā kaikōrero - ko Maurits Tai Tin, ko Basil Morgan rāua ko Te Aroha Paenga, ko Pania Newton, tae rawa atu ki a Nikki Penetito-Hemara. Nā koutou tēnei kaupapa e whakakaha ake ki ngā taumata tiketike o ngā rangi! Mai ngā au o Tangaroa ki te mura o te ahi a Te Ahiwaru Kewa Kore, maranga mai he ora!